ހަބަރު
އެންޑީއެމްއޭ އާއި މޯލްޑިވްސް ރެޑް ކްރެސެންޓް ގުޅިގެން ކާރިސާތައް މެނޭޖްކުރުމުގެ އެމް.އޯ.ޔޫއެއްގައި ސޮއިކޮށްފި
17 އޯގަސްޓު 2025
ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އާއި މޯލްޑިވްސް ރެޑް ކްރެސެންޓް (އެމް.އާރް.ސީ) އާ ދެމެދު، ކާރިސާތައް މެނޭޖްކުރުމުގައި އިތުރަށް ގުޅުން ބަދަހިކުރުމުގެ އެއްބަސްވުމެއް (އެމް.އޯ.ޔޫ) ގައި ސޮއިކޮށްފިއެވެ. މި އެމް.އޯ.ޔޫގައި ސޮއިކުރެވުނީ އިއްޔެ (އޮގަސްޓް 17، 2024) ގައެވެ.
މި ބައިވެރިވުމުގެ ތެރެއިން، އެންޑީއެމްއޭ އާއި މޯލްޑިވްސް ރެޑް ކްރެސެންޓް ގުޅިގެން މުހިއްމު ބައެއް މަސައްކަތްތައް ކުރިއަށްގެންދާނެއެވެ. އެގޮތުން:
- ގައުމީ ފެންވަރުގައި ކާރިސާތަކަށް ތައްޔާރުވުމާއި އިޖާބަދިނުމުގެ ނިޒާމްތައް ވަރުގަދަކުރުން.
- ކާރިސާތަކަށްފަހު އެހީތެރިކަން ފޯރުކޮށްދިނުމާއި އަނބުރާ އާރާސްތުކުރުމުގެ މަސައްކަތްތައް ބައްޓަންކުރުމުގައި ގުޅުން އިތުރަށް ހަރުދަނާކުރުން.
- ދިވެހިރާއްޖޭގެ އެކި ކަންކޮޅުތަކުގައި ކާރިސާތަކަށް ވިލުންވެރިވެ، އަނބުރާ ގާބިލު މުޖުތަމަޢުތައް ބިނާކުރުން.
- އެއްކޮށް ތަމްރީނުތައް ދިނުމާއި މަޢުލޫމާތު ބަދަލުކުރުމުގެ ތެރެއިން ދެފަރާތުގެ ގާބިލުކަން އިތުރުކުރުން.
މި އެމް.އޯ.ޔޫއަކީ، ރައްޔިތުންގެ ފުރާނަތައް ސަލާމަތްކުރުމަށާއި، ދިރިއުޅުން ރައްކާތެރިކުރުމަށް، އަދި މުސްތަގުބަލުގައި ކުރިމަތިވެދާނެ ގޮންޖެހުންތަކާ ދެކޮޅަށް ގައުމުގެ ވިލުންތެރިކަން ވަރުގަދަކުރުމަށާއި، މިފަދަ މަސައްކަތްތަކަށް ދެފަރާތުން ދެމުންދާ ސަމާލުކަމުގެ ހެއްކެކެވެ.
ކާރިސާތަކާ ކުރިމަތިލުމުގައި މިފަދަ ގުޅުންތަކަކީ ވަރަށް މުހިއްމު ބައެކެވެ. އެންޑީއެމްއޭ އާއި މޯލްޑިވްސް ރެޑް ކްރެސެންޓް ގުޅިގެން ކުރިއަށްގެންދާ މި މަސައްކަތްތަކުގެ ސަބަބުން، ރާއްޖޭގެ ރައްޔިތުންނަށް ދިމާވެދާނެ ކޮންމެ ކާރިސާއަކުން ރައްކާތެރިވުމަށް އިތުރު ބާރެއް ލިބިގެންދާނެކަމަށް ބެލެވެއެވެ.
